28.10.2009 22:56
今日(28.10.2009)去咗濕地公園, 開頭諗住由沙田出發, 點知一早朋友打電話畀我話佢個仔睇電視聽過, 可以由紅磡搭西鐵再轉輕鐵, 我哋決定尊重小朋友嘅意見, 總之去到, 用咩途徑都冇所謂o
本身我都好鍾意呢啲環境, 而且今日天氣非常好, 適合郊遊, 只不過對於活躍嘅小朋友嚟講, 就唔係好啱去, 雖然冇工作人員真係會沿途叫人唔好大聲喧嘩, 只係有提示牌作出提示o 但作為負責任嘅家長要不段提住小朋友唔好咁大聲, 而且一路冇瓦遮頭, 所以如果小朋友太細, 真係唔係咁啱行o 唯一啱佢哋玩嘅, 就係有一個又有保安, 又限高度上下限嘅滑梯o雖然而家係觀鳥期, 不過今日見到嘅鳥唔太多, 而且都唔知種類, 只不過原來睇番相, 先知肉眼睇到嘅係有限o
