29/05/09 0:39a.m.

30/5星期六, 會去澳門威尼斯人睇師傅同教練打比賽, 好期待呀~~~~o

其實, 除咗期待, 我諗緊張嘅情緒會比較多, 因為雖然對佢哋好有信心, 但係又會擔心, 打比賽嘅嘢, 冇話一定贏, 會有好多變數, 總之就心情複雜, 希望快啲到星期六o

同以往唔同, 今次我會留一晚, 原本係同房話佢會訂酒店, 點知人算不如天算, 威尼斯人嗰邊改咗幾次期, 跟住上個禮拜又話會取消, 然後又話會如常, 一個字, 就係亂, 真係唔敢輕舉妄動o 終於, 都係由我負責訂房, 我又唔熟澳門, 澳門又鬼咁多酒店, 都唔知訂邊間好, 點知真係好彩起上嚟冇得講(我一直都好好彩o架), 有貴人俾我指引o

話說我要打電話出財務部同同事傾啲嘢, 點知同事話我知有個同我相熟嘅舊同事返嚟做一個月合約工, 咁同佢傾吓傾吓, 原來佢星期五晚會去澳門, 咁我又講吓, 點知佢話佢成日去, 澳門佢好熟, 除咗介紹我邊間酒店之外, 又教我要點點點, 我哋已經約好咗有時間嘅話, 星期六會喺澳門見一見, 真係愛死佢o